bpribadavia

Fantástico corto de animación

2012-02-02T01:18:00.000-08:00

Inspirado na mesma medida, polo furacán Katrina, Buster Keaton, El Mago de Oz, e un amor polos libros, "Morris Lessmore" é unha historia de persoas que adican a súa vida aos libros e os libros devolvenlle o favor. Morris Lessmore é unha alegoría conmovedora e humorística sobre os poderes curativos das historias. Usando unha variedade de técnicas (miniaturas, animación polo ordenador, animación en 2D) foi galardonado o autor/ilustrador Willian Joyce e o Co-director Brandon Oldenburg que presentan unha experiencia narrativa nova ainda que se remonta ás películas mudas e os musicais da MGM en Technicolor.

"The fantastic flying books of Mr. Morris Lessmore" (Los fantásticos libros voladores de Mr. Morris Lessmore) é un dos cinco cortometraxes de animación considerados como mellores películas do 2011 na 84 ª Premios da Academia.
Disfrutade del:

The Fantastic Flying Books of Mr. Morris Lessmore from Moonbot Studios on Vimeo.

Visita do CRA Amencer

2012-01-18T09:28:00.000-08:00

O 20 de decembro tivemos unha visita dos alumnos do CRA Amencer, os cales estiveron vendo a exposición de Nadal e fixeron un obradoiro de adornos de Nadal para a árbore de fieltro que estaba na exposición. Tamén se lles fixo o carnet de usuario da biblioteca. Estas son as fotos:

Os nenos quixeron ensinar orgullosos os seus carnets de biblioteca:

Exposición Convivindo culturas no Nadal

2012-01-18T09:21:00.000-08:00

Este ano a Biblioteca quería amosar as distintas creenzas que existen no Nadal, e expresar que ante todo temos que respetar as distintas culturas sexan do tema que sexan. Asi que, fixemos en fieltro a Papa Noel, un Rei Mago e ao Apalpador, e contámoslles aos nenos outras figuras do Nadal noutros paises ou rexións. E de paso, expusemos os libros con temática do Nadal que ten a biblioteca. Estas son as fotos:

Concurso Postais de Nadal

2012-01-18T09:02:00.000-08:00

Estas son as postais gañadoras do Concurso de Postais de Nadal da Biblioteca Pública Municipal de Ribadavia, son as dos nenos Helena Meiriño Salgado, Noa Martinez García e Ismael Sotelo. Noraboa a todos.

Tamén tiveron un premio de entre os colexios participantes, 5º B do CPI Tomás de Lemos e o CRA Amencer, que foron tamén agasallados cun lote de libros.

Novo Premio María Moliner

2011-12-15T07:20:00.000-08:00

A Biblioteca Pública Municipal de Ribadavia, volveu a ser agraciada por terceira vez cun dos premios Maria Moliner aos mellores proxectos de animación á lectura en bibliotecas. O proxecto premiado foi o que se levou a cabo no mes de abril, o mes no que se conmemora o Dia Internacional do Libro e o Dia Internacional do Libro Infantil e Xuvenil, "O cómic, outro modo de ler". Dende aqui, agradecerlle á comunidade educativa do Ribeiro, CRA Amencer e CPI Tomás de Lemos, que colaboraron conmigo traendo aos rapaces dos devanditos colexios a facer as actividades que lles propusen.Por se non vos acorda como era aquel proxecto, ahí van algunhas fotos:

O MAGOSTO NA BIBLIOTECA

2011-11-08T01:21:00.000-08:00

Esta semana empezamos a celebrar o magosto con dúas actividades. Da semana do 7 ao 11 de novembro temos unha exposición sobre o magosto, da cal os ensinamos as fotos. Tamén faremos tódalas tardes na sala infantil da biblioteca un obradoiro de marcapáxinas con imaxes alusivas ao magosto. Estas son as fotos da exposición:

Proxecto de animación á lectura para a Terceira Idade

2011-06-09T02:11:00.000-07:00

O martes 7 de xuño a Biblioteca Pública Municipal de Ribadavia, levou a cabo un programa de animación á lectura no Asilo Fundación Nosa Señora dos Anxos. Primeiro tiveron un contacontos con monicreques da man de Títeres Cascanueces coa obra "A rúa das pantasmas" e ao terminar físoxe a entrega dos carnets da biblioteca para aqueles que na visita á biblioteca o solicitaran. Tamén se inagurou unha estantería con libros para que eles ollaran e leran os que lles cobizaran, os cales serán mudados cada certo tempo. Estas son as fotos da actividade.

Dia das Letras Galegas

2011-05-19T08:45:00.000-07:00

O 17 de maio celebramos o Dia das Letras Galegas, e a Biblioteca Pública Municipal mudou de escenario para celebrar o devandito día, concretamente na Praza Maior. Primeiro colaboramos co Centro de Estudios Medievais na lectura continuada da obra do homenaxeado este ano, Lois Pereiro. Paralelamente fixemos unha exposición de libros en galego da biblioteca asi coma agasallo de libros en galego, que por certo foi unha iniciativa moi eloxiada. Esta biblioteca xunto co persoal de Cultura e Teatro de Vilar, quixemos tamén colaborar ese día coa plataforma "Queremos galego", asi que participamos coa celebración do 75 aniversario da morte de Castelao, coa lectura dramatizada da obra "Os vellos non deben namorarse".
Para rematar o día as 13:00 h, tivo lugar unha actividade para nenos, un contacontos musical da man de Servando titulado "Os contos do bardo Abelardo", cos que os nenos pasárono moi ben, oindo contos e cantando con Servando e o seu acordeón. Estas son as fotos:

Visita CRA Amencer

2011-05-10T01:22:00.000-07:00

Tamén o luns 9 de maio, visitaron a exposición sobre a Historia do cómic os nenos do CRA Amencer (Sancristovo, Sampaio e Francelos). Despois de ver a exposición e os seus cómics que presentaron para o concurso de cómics que fai a Biblioteca Pública, asistiron a un contacontos-obradoiro do grupo Polo correo do vento, coa actividade "Carola, a carteira centola", na que Man e Pin fixeron as ledicias dos nenos, un contando o conto e o outro ilustrándoo. Despois fixeron un obradoiro intentando debuxar, baixo a supervisión de Pin (Carlos Alvarez Taboada) ao protagonista do conto. Estas son as fotos:

Visitas Exposición Historia do cómic

2011-05-10T00:18:00.000-07:00

O luns 9 de maio tivo lugar a derradeira visita a exposición sobre a Historia do cómic. Esta vez visitáronnos 3º A e 4ª A do Colexio Público Tomás de Lemos. Asistiron primeiro a unha proxección sobre a Historia do cómic e logo a un contacontos-obradoiro do grupo Polo correo do vento, titulado "Carola, a carteira centola" . Esta actividade constaba dun contacontos sobre a centola Carola contada por Mau (Enrique Mauricio) mentras Pin debuxaba, e logo un pequeno obradoiro no que os rapaces, guiados polo debuxante Pin (Carlos Alvarez Taboada) intentaban debuxar ó protagonista do conto. Estas son as fotos:

Concurso de tiras de cómic

2011-05-09T11:14:00.000-07:00

Moitos son os nenos que están a participar no concurso de tiras de cómic da Biblioteca Pública Municipal de Ribadavia, dende Primeira Infancia ata 2º da Educación Secundaria, tanto do CRA Amencer coma do Colexio Público Tomás de Lemos. Estas son fotos dalgúns dos participantes:

Visitas Exposición Historia do cómic

2011-05-09T10:46:00.000-07:00

Do 27 de abril ao 6 de maio recibimos a visita dos nenos de Primaria do Colexio Tomás de Lemos, concretamente de 1º e 2º de Primaria o 27 de abril, de 3º B e 6º B o 3 de maio, de 6º A e 6º C o 4 de maio, de 5º A e 5º B o 5 de maio e de 4º B e 4º C o 6 de maio. Os escolares visitaron a exposición sobre a Historia do Cómic que facemos na Biblioteca Pública e logo pasaron á Sala Infantil, onde asistiron a unha proxección de imaxes na que narrábamos a historia do cómic en distintas partes do mundo, o tebeo en España, o manga en Xapón, a bande dessinée en Francia e Bélxica, o cómic en EEUU e a banda diseñada en Galicia. Despois asistiron a proxección de dous capitulos de debuxos animados antigos, basados no mundo do cómic. Estas son algunhas das fotos:

Visita da Fundación Asilo Nosa Señora dos Anxos

2011-05-09T09:54:00.000-07:00

A finais de marzo tivemos unha visita moi especial, persoas que están no Asilo Nosa Señora dos Anxos. Fixeron unha visita guiada na que veron as novas instalación da Biblioteca Pública e démoslles a coñecer as posibilidades de lectura para a Terceira Idade e para persoas con algunha discapacidade visual. Estas son as fotos da visita:

Actividades mes de abril

2011-04-05T10:56:00.000-07:00

Xa sabedes que o mes de abril é coñecido como o mes dos libros, xa que celebramos o Dia Internacional do Libro e o Dia do Libro Infantil e Xuvenil. Este ano a Biblioteca vai adicar o mes de abril ao mundo do Cómic.
Entre as actividades destacamos:
-Unha exposición sobre a historia do cómic, na que podedes indagar sobre a historia do tebeo en España,o manda en Xapón, os cómics en Bélxica, Francia e EEUU, do cal vos ofrecemos unhas fotos.
-Unha actividade en colaboración cos colexios da comarca, na que ofertamos ademáis da visita á exposición do cómic, unha ficha explicativa orientada a Primaria e Secundaria, na que lles explicamos como se fai un cómic, a súa estructura, linguaxe, etc...
-Un concurso de tiras ou viñetas de cómics, dirixida a nenos de Primeira Infancia, Pimaria e Secundaria, cuxo premio, por suposto son lotes de libros.
-Un obradoiro de cómic, que terá lugar o 8 de abril ás 18:00 h. impartido polo dibuxante Fran Bueno, dentro do programa Bocaberta, ao que podrán asistir rapaces de 13 a 18 anos, titulado "Galimatías", igual ca revista que se edita.
Estas son as fotos da exposición:

Actividade de Bocaberta

2011-03-16T08:57:00.000-07:00

O luns 14 de marzo tivo lugar unha actividade do programa Bocaberta que está a levar a cabo Política Lingüistica en concellos de toda a Comunidade galega, na que os encargados foron a editorial Tambre. Acudiron a actividade nenos do CRA Amencer e 1º e 2º do colexio Tomás de Lemos. Estas son as fotos:

Premios Maria Moliner

2011-01-26T08:16:00.000-08:00

Estamos de noraboa. A Biblioteca Pública Municipal de Ribadavia recibiu por segunda vez (a anterior foi no 2008) un dos premios Maria Moliner aos mellores proxectos de animación á lectura infantil nas bibliotecas públicas de ámbito estatal. O proxecto premiado foi "ABril, mes dos libros. Un día, un libro. Educando en valores", desenvolto no mes de abril e que consistía nunha exposición dun calendario do mes de abril con pestanas que se ían abrindo cada día e descobrían un libro referente a distintos valores. Esta exposición completábase con distintas actividades que podedes consultar no historial deste blog. Esta é unha das fotos, para que vos lembredes.

Concurso de postais de Nadal

2011-01-26T07:58:00.000-08:00

O 26 de decembro, despois do concurso de Panxoliñas, tivo lugar a entrega dos premios nas distintas categorías do Concurso de Postais de Nadal que esta biblioteca organiza tódolos anos. Os gañadores foron: En Educación Infantil Uxía Alvarez do CRA Amencer, En Primaria Ana Martínez e Noa Alonso e en Secundaria Andrea González. Todos os gañadores recibiron un lote de libros e un quebracabezas. Estas son as fotos da exposición e da entrega:

Contacontos

2011-01-26T07:52:00.000-08:00

o 29 decembro, por fin, os ratos da biblioteca do grupo Trinke Trinke, visitaron a nosa biblioteca, contando numerosos contos que fixeron as ledicias os mais cativos. Estas son as fotos:

Obradoiro Rosalía de Castro

2011-01-26T07:41:00.000-08:00

O 12 de novembro tivemos na sala infantil da Biblioteca un obradoiro do grupo Crearte, titulado "Un día con Rosalía de Castro" no cal unha actriz-educadora encarna a unha Rosalía que rí, que xoga e que canta á Galicia, levándonos a un cheo de palabras a través de xogos de creación literaria. Os nenos pasárono moi ben e recoñeceron a poesía de Rosalía en cancións como "Adios ríos, adios fontes".

Programa de Nadal

2010-12-22T01:07:00.000-08:00

Ludoteca de Nadal (información Casa da Cultura)
Concurso de postais de Nadal (ata o 23 de decembro, recóllense na Casa da Cultura)
23 de decembro ás 17:00 h. “Sons, dende a túa cidade ata Bremen” Letras Vivas Animación. Casa da Cultura.
26 decembro Festival de Panxoliñas
27 de decembro ás 17:00 h. cine infantil “Prancer”
28 decembro Xogos populares, Alameda 16:00
29 de decembro ás 17:00 h. Contacontos “Unha de ratos na biblioteca” Letras Vivas Animación. De 3 anos en adiante. Biblioteca
30 de decembro ás 17:00, Cine infantil “El lince perdido” Auditorio Casa da Cultura.Premio “Goya a la mejor película de animación 2008” y Premio “Mejor película Festival Internacional ANIMADRID 2008”
3 de xaneiro Cine infantil “Blizzard, o reno máxico”
4 de xaneiro Ribafesta no Pavillón dos Deportes
7 de xaneiro ás 17:00 h. Cine infantil “El reino de los chiflados” Dobran a voz dos persoaxes Florentino Fenández (o Yeti) e Anabel Alonso (Sissi) e Josema Yuste..

Actividades novembro

2010-11-11T08:18:00.000-08:00

Este mes de novembro escomenzamos con unha exposición sobre o magosto. Fixemos un mural de fieltro coa figura da castaña presidindoo, e expoñemos libros que falen tanto da festa do magosto, como da castaña, do castiñeiro e incluso unha recopilación de recetas cuio ingredinte principal sexa a castaña. Estas son as fotos da exposición:

Por outro lado, o 12 de novembro teremos un obradoiro titulado "Coñece a Rosalia de Castro" do grupo Crearte, as 17:30 h. na Biblioteca. Nel, unha actriz-educadora encarna a unha Rosalía que rí, que xoga e que canta á Galicia, levándonos a un cho de palabras a través de xogos de creación literaria.

Contacontos Noite Meiga

2010-11-02T02:28:00.000-07:00

O sábado 30 de outubro celebramos en Ribadavia a Noite Meiga, e a Biblioteca Pública Municipal colaborou coa organización da dita festa, cun contacontos de Samaín, de medo, da man de Duende Sico. Asistiron numerosos nenos, a maioría disfrazados de bruxas, esqueletos, momias, etc...Velaí van algunhas fotos do contacontos:

2010-11-02T01:53:00.000-07:00

Esta semana celebramos na Biblioteca o Samaín ou Halloween para os mais americanizados, cuns obradoiros e un contacontos. Os obradoiros son os seguintes:
Luns: Obradoiro dun móbil de cabazas
Martes: Obradoiro de máscaras de medo
Mércores: Obradoiro de Quebracabezas da cabaza
Xoves: Obradoiro de marcapáxinas
Venres: Obradoiro de pintura de medo
Paralelamente faremos unha exposición mural sobre o Samaín.
Esta semana remataremos os programa de Samaín, coincidindo coa Noite Meiga, que como sabedes celébrase con distintas actividades na vila de Ribadavia, e nos en colaboración coa organización facemos para os nenos unha sesión contacontos de medo da man de Duende Sico.

Actividades en outubro na Biblioteca Pública Municipal de Ribadavia

2010-10-18T07:19:00.000-07:00

O venres 22 de outubro as 17:30 h., con motivo do Dia da Biblioteca (24 de outubro), terá lugar na Biblioteca de Ribadavia unha sesión de contacontos a cargo da compañia Trinke, titulado "Unha de ratos na biblioteca".Os ratos de Lonxedetodo achéganse á Biblioteca para compartir cos nenos os seus contos e as suas aventuras e de paso levar emprestados novos contos para a sú aldea.

O sábado 30 de outubro e como colaboración coa organización da Noite Meiga, teremos un contacontos de medo dirixido aos nenos, da man de Duende Sico, ás 17:00 h.O . O Duende Sico está de viaxe por Galicia contando as súas historias a todos os rapaces e fará unha parada en Ribadavia para contarnos un conto nese día tan especial de Samain e facernos non so pasar medo senon tamén momentos de risa.

Novas adquisicións da Biblioteca

2010-10-06T07:35:00.001-07:00

A Biblioteca de Ribadavia incorporou estes días tres novas coleccións o servicio dos usuarios desta biblioteca. Trátase en primeiro lugar, dunha colección de libros en inglés, na cal atopamos dende libros para nenos ata libros para adulto, tanto de temática novelada como de dintintos temas xerais. A creación desta colección é debida á ampla demanda de libros en inglés por parte dos usuarios, dende fai uns anos, que poidese completar os estudos deste idioma.

A outra colección é a de cómics, que xa empezamos a facer o ano pasado, e debido ao seu éxito estamos completando series con novos exemplares que tiveron moita acollida e novas coleccións.

Por último, e non menos importante, unha colección de películas clásicas en DVD. Coa idea de ofrecer os numerosos usuarios cinéfilos, que non atopan en videoclubs, películas antigas en DVD, a Biblioteca decidiu incorporar aos seus fondos dúas coleccións de DVDs, unha titulada "Joyas de cine" composta por 46 DVD, cun total de 138 películas clásicas da historia do cine. A outra colección é "Grandes directores" composta por 20 DVD, cun total de 40 películas de importantes directores coma Alfred Hitchcock, Ingmar Bergman,Luchino Visconti, etc...

Obradoiro de cómic e debuxo

2010-09-29T04:26:00.000-07:00

O 17 de setembro a Biblioteca tivo un obradoiro de cómic e debuxo impartido polo ilustrador Santy Gutiérrez.Este ilustrador adicase profesionalmente o debuxo dende 1993, realizando diariamente dende entonces miles de viñetas de humor gráfico e caricaturas de prensa para moitas das cabeceiras de ámbito autonómico e nacional, e ilustrando artículos, reportaxes, libros e cómics para revistas e editoriais, e realizando debuxos de campañas gráficas e animación para empresas de publicidade e productoras de audiovisuais. É membro fundador do estudio Baobab e presidente da AGPI desde xaneiro de 2008.Esta é unha de moitas das súas ilustracións:

Asistiron un total de 12 nenos de maís de 7 anos, os cales pasaron un momento divertido aprendendo brevemente as técnicas do cómic. Estas son as fotos:

Reunión da Asociación de Bibliotecarios Municipais de Galicia

2010-06-24T03:04:00.000-07:00

O sábada 19 de xuño tivo lugar unha reunión no Sede Social de Caixanova en Santiago de Compostela. O motivo fundamental da reunión era a creación da Asociación de Bibliotecarios Municipais de Galicia, despois de moitos anos de xuntanzas na que tratábamos de aunar esforzos para solucionar problemas que xurden no día a día do noso traballo.Da reunión saiu a seguinte Xunta Directiva:

Presidente: Bibliotecaria de Foz
Vicepresidente: Bibliotecario de Arteixo
Tesoreiro: Técnico de Arteixo
Secretaria: Bibliotecaria de Sada
Vocales:
-Bibliotecaria de Narón
-Bibliotecaria de Caldas
-Bibliotecaria de Soutomaior
-Bibliotecaria de Ribadavia
E esta é a foto da reunión:

OBRADOIRO A ILLA DO TESOURO

2010-06-24T02:58:00.000-07:00

O xoves 17 de xuño tivemos na Biblioteca Pública Municipal de Ribadavia, un obradoiro titulado "A illa do tesouro" impartido por Amalia Pérez Otero, no cal os nenos viaxaron a unha illa ... A ILLA DO TESOURO onde os rapaces, seguindo os pasos do mapa, tiveron que superar probas (lectura dos contos) para atopar o preciado tesouro: O cofre tiña agochadas unhas sorpresas.
Estas son as fotos da actividade:

DÍA DAS LETRAS GALEGAS

2010-05-24T02:37:00.000-07:00

Para celebrar o Dia das Letras Galegas, fixemos no hall da biblioteca unha exposición cun mural sobre o Dia das Letras Galegas, que xa sabedes que este ano están adicadas a Uxío Novoneyra. Esta é a foto da exposición:

O 17 de maio fíxemos na Praza Maior varias actividades, ademaís da lectura continuada ca obra de Uxío Novoneyra que organizaba o Centro de Estudos Medievais, a biblioteca levou a cabo unha exposición de libros en galego e libros de Uxío Novoneyra que ten a biblioteca. Ademais agasallamos aos que alí se acercaron con exemplares de libros en galego. Para os mais cativos houbo un obradoiro do grupo Eduvía titulado "Gran Xogo do Dia das Letras Galegas" co cal os nenos divirtíronse moito pois os monitores fixeron 3 grupos que tiñan que competir entre si en diversas probas moi divertidas. Estas son as fotos da exposición de libros e do obradoiro:

Fotos actividades mes de abril, mes dos libros

2010-05-24T01:39:00.000-07:00

Rematou o mes de abril, e tamén tódalas actividades que programamos ó carón do proxecto, "Abril, mes dos libros, educando en valores".
Xa vos ensinei as fotos da exposición, agora vouvos ensinar fotos de como quedou a exposición o derradeiro día de abril, despois de abrir tódalas pestaniñas dos días do calendario de abril, que como xa sabedes, cada día correspondía a un libro cun valor determinado. Estas son as fotos:

O 23 de abril, celebramos o Dia do Libro con dous contacontos teatralizados do grupo Tarabelos, titulado "Sabela e o páxaro máxico". Asistiron en dúas sesión consecutivas, nenos do CRA Amencer, e do Colexio Público Tomás de Lemos de Ribadavia. Estas son as fotos, e perdoade a calidade delas, estaba moi escuro o auditorio da Casa da Cultura:

O 30 de abril rematamos cun obradoiro de Ana María Fernández titulado "O planeta das palabras", estas son as fotos:

2010-04-21T04:13:00.000-07:00

O venres 23 de abril, Dia Internacional do Libro Infantil e Xuvenil, a Biblioteca Pública Municipal recibirá a mais de 300 nenos do Colexio Público Tomás de Lemos e do CRA Amencer, para celebrar o devandito día.
Primeiro visitaran a exposición do calendario "Abril, mes dos libros. Educando en valores" e leeran o libro do día, que o 23 de abril está dedicado o valor do "respeto a outras razas", en concreto o libro infantil "A mirada de Ahmed". Posteriormente e en dúas sesións, unha as 10:30 h. e outra as 12:00 h. veran o contacontos teatral "Sabela e o páxaro máxico" do grupo Tarabelos.
Por último farase entrega dos premios do Concurso de marcapáxinas do Dia do Libro, cuios marcapáxinas estarán expostos na Casa da Cultura ata o 30 de abril.

MES DOS LIBROS

2010-04-13T02:30:00.000-07:00

Seguimos a celebrar o mes de abril, mes dos libros. Cada día abrimos unha nova ventaniña do calendario, e descubrimos o libro do día, sempre basado nun valor. Hoxe estamos a día 13 de abril e amósovos como está a quedar o calendario según se van abrindo as ventanas dos días. Tamén cada día as 18:00 h. lemos o libro do día. Estas son algunhas das fotos. Espero que vos gusten.

ABRIL, MES DOS LIBROS. EDUCANDO EN VALORES

2010-04-06T08:27:00.000-07:00

Durante o mes de abril temos no hall da Biblioteca Pública Municipal unha exposición mural titulada "Abril, mes dos libros. Educando en valores". Fixemos un calendario xigante en fieltro do mes de abril, ao modo dos calendarios de adviento, e en vez de abrir unha pestana cada día e encontrar unha chocolatina, encontrarémonos cun libro. Ese será o libro do día, que se exporá ademais nun atril para que todos os días ás 18:00 h. o leamos en voz alta. Cada libro responde a un valor determinado, amor os animais, respeto á natureza, respeto as outras culturas, igualdade de sexos, compañerismo, etc... No calendario destacamos tamén o 2 de abril, Dia Internacional do Libro e o 23 de abril, Dia Internacional do Libro Infantil e Xuvenil.
Selección de libros para o proxecto:
-1 de abril: Amor os animais, libro “Animais de compañía”
-2 de abril: Respeto os nosos avós, libro “A viaxe do bisavó”
-5 de abril: Respeto as distintas formas de familia, “ Unha chea de familias”
-6 abril: Ser traballador, “Paco Papán”
-7 abril: Aceptación das minusvalías psíquicas, “Miña irmá ten síndrome de Down, e que?”
-8 de abril: Non a violencia, “A historia de Erika”
-9 de abril: Amistade, “El colibrí y su nuevo amigo”
-12 de abril: Deportividade, “Bimba juega a basquet”
-13 de abril: Saber perdoar, “¿Me perdonas?”
-14 de abril: Respeto á natureza, “Nuestro planeta en peligro”
-15 de abril: Autoestima e aceptación familia, “Eu son adoptada, e que?”
-16 de abril: Aceptar normas convivencia, “Manual de educación”
-19 de abril: Ser autónomo, “O conto de vestirme só”
-20 de abril: Respeto a outras culturas, “A bibliotecaria de Basora”
-21 de abril: Saber comportarse, “Eduardo, o neno mais terrible do mundo”
-22 de abril: Aceptación das minusvalías físicas, “Catarina, o oso e Pedro”
-23 de abril: Respeto polas outras razas, “A mirada de Ahmed”
-26 de abril: Respeto a diversidade, “Negros e brancos”
-27 de abril: Igualdad de sexos, “O libro dos porcos”
-28 de abril: Respeto a nosa cultura, “O apalpador”
-29 de abril: Compañerismo, “La unión hace la fuerza”
-30 de abril: Amor á música, “A banda de Vilacendoi”
Estas son as fotos da exposición:

Paralelamente convocouse un Concurso de Marcapáxinas que remata o 21 de abril, na que poderán participar todos os nenos, dende Preescolar, Primaria e Secundaria. O lema dos marcapáxinas será "Abril, mes dos libros"
O 23 de abril celebraremos dun modo especial o Dia Internacional do Libro Infantil e Xuvenil, con dúas representacións teatrais da man do grupo Tarabelos, que porán en escea a obra "Sabela e o páxaro máxico". A estas representacións asistirán nenos de Preescolar e Primaria do CRA Amencer e do Colexio Público Tomás de Lemos de Ribadavia.

Finalizaremos o mes cun obradoiro o día 30 de abril ás 17:30 h. de Ana María Fernández titulado “O planeta das palabras” . No planeta das palabras hai moitas familias e entre ellas achúchanse e chegan a crear ata contos. Trátase dun contacontos interactivo de traballo coas palabras en grandes cartóns creando un conto-puzzle.

A maxia dos soños

2010-03-31T03:06:00.001-07:00

O martes 30 de marzo, tivo lugar unha representación moi especial no Auditorio da Casa da Cultura, programada pola Biblioteca Pública Municipal e Letras Vivas Animación. Trátase do contacontos "A maxia dos soños" do grupo A illa d@s nen@s, no cal misturaron un conto con maxia, facendo as ledicias dos nenos. Houbo unha grande participación de público, como vedes nestas fotos:

Obradoiro expreso de banda deseñada

2010-03-31T03:01:00.000-07:00

O venres 26 de marzo ás 17:30 h. tivo lugar un obradoiro expreso de banda deseñada a cargo do persoal da editorial Cerditos de Guinea, cuio grupo adicado aos cursos chámase Gochi. Os nenos despois de repasar o mundo do cómic e tódalas súas variantes fixeron unha práctica de cómo se fai un cómic. Estas son as fotos:

Actividades Semana Santa

2010-03-25T12:24:00.000-07:00

Este venres empezamos coas actividades de Semana Santa. O 26 de marzo temos un obradoiro na Biblioteca Municipal as 17:30 h. titulado "Obradoiro expreso de banda deseñada", no cal o grupo Gochi, que teñen a editorial "Cerditos de Guinea", ensinarannos como se fan os cómics, como se debuxan os xestos, como se simula o movemento, etc...

O martes 30 as 18:00 h. teremos o espectáculo de maxia e contacontos misturado titulado “A maxia dos soños” do grupo A illa d@s nen@s. É un conto inédito no que os asistentes disfrutarán dunha fermosa historia que ten como protagonista a un neno que quere ser Mago e a través dun soño moi especial no que lle pasan cousas máxicas e é quen de facer realidade a súa ilusión. Neste espectáculo o conto relátase por unha voz en off e representado por un actor que fai o papel de neno e os distintos personaxes que son monicreques. Para todas as idades. Auditorio da Casa da Cultura.

Solidaridade con Haiti

2010-01-20T11:12:00.000-08:00

Recibimos información de Solidaridade Internacional Galicia, sobre onde podemos facer a nosa aportación a Haiti, e nos pasámosvos esta información a vos.
EMERXENCIA EN HAITÍ.
A túa axuda é necesaria. Colabora!!
CAIXA GALICIA Conta nº 2091 0530 39 3040011953
CAIXANOVA Conta nº 2080 0140 17 0040019075
BANCO PASTOR Conta nº 0072 0290 37 0000101279
Maís información na páxina web: http://www.solidaridadgalicia.org/emerxencia-en-haiti

Fotos Actividades de Nadal

2010-01-12T02:00:00.000-08:00

O 27 de decembro no Festival de Panxoliñas entregáronse os premios do Concurso de Postais de Nadal. Os premiados foron:
-Categoría Preescolar: Ismael Sotelo
-Categoría Primaria: Noa Martinez e Andrea González
-Categoría ESO: Jonathan Rodríguez e Nicole de la Fuente
Estas son algunhas fotos da entrega de premios:

O 28 de decembro tivo lugar un contacontos titulado "O Duende Sico e os contos do Colorín Colorado", e asistiron moitos nenos, parte deles da Ludoteca do Nadal. Estas son as fotos:

Por último o 29 de decembro na sala infantil da Biblioteca tivo lugar a presentación do libro da Editorial Biblos "O Apalpador" polo autor ribadaviense do libro, Xoán G., a cal asistiu o concelleiro de cultura Anxo Collarte e nenos aos cales se lles regalou un exemplar do libro. Estas son as fotos:

Obradoiro "Un dia con Leonardo da Vinci"

2009-12-21T11:05:00.000-08:00

O venres, 18 de decembro ás 17:30 h. tivo lugar un obradoiro na sala infantil da Biblioteca Pública Municipal de Ribadavia titulado "Un día con Leonardo da Vinci". Nel, os nenos coñeceron a figura do Leonardo, non so pintor, senón tamén inventor, asi como distintas curiosidades sobre este artista. Despois fixeron un catalexo moi especial, xa que permite, coa luz do día, ver as cousas o revés. Estas son algunhas das fotos dese obradoiro realizado polo grupo Crearte.

Obradoiro árbore de Nadal

2009-12-21T10:15:00.001-08:00

Na Biblioteca estamos a facer cos nenos unha árbore de Nadal feito polos nenos que asisten á Biblioteca. Tódolos días fan adornos de Nadal, recortámolos e pegámolos na nosa árbore, que como vedes empezou con poucos adornos, pero agora xa está cheíño de todo, incluso lle puxemos unha estrela moi grande. Cada adorno ten o nome do neno co fixo, e asi vemos o que aportaron cada un. Estas son as fotos:

Contos para falar

2009-12-21T10:01:00.000-08:00

O martes, 15 de decembro tivo lugar unha actividade moi interesante no Auditorio da Casa da Cultura. Tratábase do porgrama de dinamización lingüistica, "Bocaberta" Contos para falar que subvenciona a Consellería de Educación e Ordenación Universitaria coa Editorial Rodeira, e en colaboración coa Concellalía de Cultura e Educación de Ribadavia. Esta campaña que consiste na realización dos seguintes obradoiros: dúas montaxes narrativas e musicais –unha para nenos de 3 a 6 anos e outra, de 6 a 9 anos– e unha montaxe sobre a Odisea para rapaces de entre 9 e 12 anos. Deste modo asistiron os nenos de preescolar e 1º ciclo de Primaria do Colexio Público Tomás de Lemos e os nenos do CRA Amencer.
O acabar cada neno recibiu un libro da editorial Rodeira e un CD coa música da actividade.
Para o mércores 16 de decembro, estaba programada unha segunda sesión para os nenos de 2º e 3º ciclo de Primaria do Colexio P. Tomás de Lemos, e os nenos do colexio de Arnoia e Cortegada, pero tivo que suspenderse debido a que a Consellería de Educación cancelou as clases para ese día debido ao temporal. Esperemos que se poida cambiar para outro día. Xa vos informaremos.
Polo de pronto estas son algunhas fotos:

"Os Bolechas"

2009-12-15T07:59:00.000-08:00

O sábado 19 de decembro ás 20:00 h. terá lugar unha actuación moi desexada polos nenos de Ribadavia. Achéganse a vila os Bolechas, os famosos personaxes dos contos de Pepe Carreiro, e farannos pasar unha tarde moi divertida no Auditorio da Casa da Cultura.Caramuxo teatro presenta o gran éxito editorial galego. Os Bolechas, unha comedia musical con monicreques. Un espectáculo que nos amosará un día na vida desta divertida familia, onde coñeceremos as ocorrencias do pequeno Tatá, as travesuras de Chispa, a Braulio e Sonia, as xemelgas Pili e Loli, e a Carlos, o máis vello dos irmáns.

Obradoiro "Un dia con Leonardo da Vinci"

2009-12-15T07:54:00.000-08:00

O vindeiro 18 de decembro ás 17:30 h.terá lugar na Biblioteca Pública Municipal de Ribadavia un obradoiro titulado "Un día con Leonardo da Vinci" impartido por o grupo Crearte, para nenos de maís de 7 anos. Trátase dunha viaxe ao Renacemento na que descubriremos o útiles que son as matemáticas para facer arte. Afondaremos nas facetas de inventor, científico e artista de Leonardo para rematar descubrindo o misterio do retrato máis famoso do mundo, o da Mona Lisa. Unha divertida e participativa actividade na que os rapaces interpretan as imaxes artísticas, estimulan a creatividade, e establecen conexións entre as artes visuais, as matemáticas, a lingua e a historia. A actividade emprega os fondos bibliográficos de arte e remata cun obradoiro plástico.

Obradoiro "Instantáneas de plastilina"

2009-12-09T01:38:00.000-08:00

O venres 4 de decembro ás 17:30 h. tivo lugar o obradoiro "Instantáneas de plastilina" impartido por María Noel. A asistencia foi limitada, xa que para facer este obradoiro é necesario un grupo pequeno para poder impartilo, e é que estiveron nada menos de dúas horas diseñando e dando forma a súa propia ilustraición en plastilina do conto escollido. Un grupo de nenas escolleu un conto dun príncipe e unha princesa, e a verdade é que lles saiu moi ben, senón vede as fotos. Outro grupo, maioritariamente masculino, elixiu un conto sobre o espacio, e así, modelaron naves espaciais, extraterrestres, e un sinfín de naves, e incluso o globo terráqueo visto dende o espacio, moi orixinais!!!. Estas son as fotos, e espero que vos animades a pasalo ben connosco outra vez nun obradoiro o 18 de decembro. Xa vos avisarei, estade atentos, porque tamén vai ser moiii divertido.Ah! e un saúdo a María Noel, que foi encantadora e tivo moita paciencia con todos. Grazas.

Instantáneas de plastilina

2009-11-30T11:07:00.000-08:00

O 4 de decembro ás 17:30 h. na Sala Infantil da biblioteca terá lugar un obradoiro de María Noel para nenos de maís de 7 anos. Con axuda da imaxinación crearan o seu mundo de plastilina feito de personaxes e escenarios fantásticos e levarano a casa nunha foto como recordo titulado "Instantáneas de plastilina". Só 15 prazas, asi que mellor apuntádevos na biblioteca ou chamando o 988 47 19 00 (Casa da Cultura).
Esta ilustradora é unha mestra absoluta no manexo da plastilina como obxecto artístico. Vén de ilustrar "O peto da risa" de Eva Lozano Carpente.

Programación Nadal

2009-11-30T10:53:00.000-08:00

Este Nadal ven cheo de actividades de animación á lectura para cos nenos do Ribeiro se divirtan coa lectura e cos obradoiros. Esta é a programación.
O 4 de decembro haberá un obradoiro titulado "Instantáneas de plastilina" de María Noel, o 18 de decembro outro obradoiro do grupo Crearte titulado "Un día con Leonardo da Vinci" e o 28 de decembro un contacontos "O duende Sico e os contos do colorín colorado".
Por outra parte faremos o 3º concurso de postais de Nadal, que poderán entregarse na biblioteca ata o 28 de decembro.
Bases do Certamen:
1.Poderán participar tódolos nenos e nenas de Educación Primaria
2.O tema dos debuxos será o Nadal
3.Os debuxos presentaranse na Biblioteca de Ribadavia, en horario de 9:30 a 13:30 h. da mañan e de 16:30 a 21:00 h da tarde, e deberán ir acompañados dos seguintes datos: nome e apelidos, idade e enderezo. O prazo de entrega das postais é ata o 28 de decembro.
4.Tódolos participantes terán un agasallo e establecense 5 premios as tarxetas premiadas. Establecerase un xurado para o fallo do concurso, formado por o concelleiro de cultura, a bibliotecaria e persoal da Casa da Cultura.
5.Os premios entregaranse no Festival das Panxoliñas
6.Tódolas postais serán expostas na Casa da Cultura a partir do 1 de xaneiro.

Lectura, puerta a nuevos mundos

2009-11-26T10:50:00.001-08:00

Check out this SlideShare Presentation:

Lectura, puerta a nuevos mundos

View more presentations from Águeda Domínguez Durán.

Inaguración Sala Infantil

2009-10-14T10:06:00.001-07:00

O venres 9 de outubro as 18:00 h. tivo lugar a inaguración da nova sala infantil da biblioteca de Ribadavia e da sala de material audiovisual. Asistiu á inaguración o ilustrador Kiko da Silva, que pintou o mural da sala infantil, o alcalde de Ribadavia, D. Marcos Blanco, o concellal de cultura D. Anxo Collarte, entre outros concellais e a bibliotecaria, por suposto, Teresa Rivela. Os nenos tiveron a súa propia inaguración, pois as 18:30 h. tivo lugar unha sesión de contacontos titulada "A bruxiña sen vasoira" do grupo Altega. Estas son as fotos, e espero que vos guste o mural da sala infantil, que para min quedou xenial. Grazas Kiko.

INAGURACIÓN NOVA SALA INFANTIL

2009-10-02T06:53:00.000-07:00

O venres, 9 de outubro, ás 18:00 h. terá lugar a inaguración da nova sala infantil da Biblioteca Pública Municipal de Ribadavia. Será Kiko da Silva, ilustrador do mural da sala infantil, o encargado de inagurala, xunto o concellal de cultura D.Anxo Collarte e o alcalde D.Marcos. Ás 18:30 h. os nenos terán tamén o seu propio acto inagural cunha sesión de contacontos titulada "A bruxiña sen vasoira" do grupo Altega.
¡Estades todos invitados! Prométovos que encontraredes moitas novidades.
Á vez tamén inaguramos unha nova sala que ubicará bibliografía xeral, materiais audiovisuais e 2 novos postos de ordenadores.

Obradoiro de Ilustración

2009-06-10T02:26:00.000-07:00

O 23 de xuño pola mañán, ás 12:00 h. concretamente (os nenos xa estades de vacacións), teremos na biblioteca un obradoiro de ilustración muy interesante. Recibimos esta vez a visita de Jacobo Fernández Serrano, ilustrador de contos que temos na biblioteca, coma "Sedna, a deusa do mar", "Tres contos maravillosos", "A gardería de dona Bixelmina",o cómic "Os amigos de Archimboldo",etc... Él ensinaravos como fai as ilustracións dos contos e vos mesmos faredes a propia ilustración do voso conto.

"Xogando a ser xornalista"

2009-06-10T02:16:00.000-07:00

O martes 9 de xuño tivemos na biblioteca un obradoiro titulado "Xogando a ser xornalista" impartido por Ana María Fernández. O obxetivo era concienciar os nenos da importancia de ler os xornais, e crear en eles o hábito da lectura.
Neste obradoiro os nenos redactaron cada un, unha noticia do día que a eles lle parecía interesante, e houbo de todo, dende noticias de sucesos, ata do corazón. Despois fixéronlle unha entrevista a un pai duns nenos, e cada un foille facendo unha pregunta relativa a cando él era un cativo. Logo, puxéronlle a data, o nome o xornal e crearon a súa propia portada do xornal do día e deixárono exposto na entrada da Casa da Cultura, onde está ubicada a biblioteca. A verdade é que estivo moi interesante e pasárono moi ben. Estas son as fotografías:

Dia Muncial do Medio Ambiente

2009-06-05T03:54:00.000-07:00

Hoxe, 5 de xuño, celebramos na Biblioteca o Dia Mundial do Medio Ambiente, cun obradoiro de medio ambiente para nenos con imaxes para colorear con recomendacións para conservar o medio ambiente, lecturas recomendadas de contos que tratan o tema (tratamento de residuos, choiva ácida, efecto invernadoiro, etc..) e cunha guía de páxinas web para nenos sobre medio ambiente que teñen xogos. Esta é a relación de páxinas web recomendadas:

-www.rcir.es/rcir_ninos.html
-www.ploppy.net
-www.fundacion-biodiversidad.es (busca zona biodiver)
-www.berde-berdea.net
-www.managenergy.net/kidscorner.es
-http://educalia.educared.net/s/8nens/revista/concurs/aigua/taller.htm
-www.redtic.es/actividades/sosanimales/sosanimales.swf
-www.vivelaagriculturaecologica.com/ecolina/index.htm
-www.ecoembes.com/ecociudad/ecociudad.html
-www.aguasdesevilla.com/infantil/infan/ciclome.html
-www.enerclub.es/extfrontenerclub/img/File/nonIndexed/idae/index.html

Dia das Letras Galegas Colexio Público Tomás de Lemos

2009-05-19T01:49:00.000-07:00

O 14 de maio os nenos e profesores do Colexio Tomás de Lemos de Ribadavia viñeron á Casa de Cultura de Ribadavia a facer o seu festival do Día das Letras Galegas, participando todas as clases de tódolos cursos de Primaria, con actividades diversas, regueifas,trabalinguas,teatro e o remate foi o coro que abarca nenos de todos os cursos e que cantaron varias cancións moi ben executadas grazas o seu profesor de música e director do coro, Victor. Rematou cantando o himno galego todos de pé. Unha imaxe moi bonita. Noraboa a todos, sobre todo o esforzo dos profesores. Estas son as fotos, e perdoade porque non saíron moi ben. Para a actividade, Bea da Casa da Cultura e eu, Teresa, a bibliotecaria, fixemos o mural do fondo para engaloiar o escenario.

Dia das Letras Galegas 2009

2009-05-14T11:51:00.001-07:00

Como sabedes, este ano o Día das Letras Galegas homenaxea a Ramón Piñeiro, por eso a Biblioteca Pública Municipal de Ribadavia,xunto a concellalía de Cultura, celebrará o Dia das Letras Galegas na Praza Maior o 17 de maio con diversas actividades:
-Exposición da obra e biografía de Ramón Piñeiro.
-Exposición mural sobre Ramón Piñeiro.
-Exposición de libros en galego tanto para adultos como infantil.
-Lectura continuada da obra de Ramón Piñeiro no Salón de Actos do Concello.
-Obradoiro infantil de creación dun mural en tecido conmemorativo do Dia das Letras Galegas.

Mes de abril, mes dos libros

2009-05-06T08:45:00.000-07:00

Dende aquí quero agradecer a todos os nenos e profesores que participaron na actividade do mes de abril da biblioteca. Moitas grazas a todos. E este é o meu agradecemento en forma de montaxe.
">

23 de abril, Dia do Libro

2009-04-23T08:32:00.000-07:00

Hoxe celebramos o Día do Libro, e dentro das actividades programadas para o mes de abril, hoxe tivemos dúas sesións de contacontos.

As 10:30 h. viñeron os nenos de Preescolar do Colexio Público Tomás de Lemos de Ribadavia, de 3, 4 e 5 anos a unha sesión de contacontos do grupo Tarabelos chamado "Un cheiro de contos", na que os rapaces pasárono moi ben. Estas son as fotos:

As 12:00 h. recibimos a visita dos nenos do CRA Amencer, que os pasaron moi ben vendo os seus contos na exposición, xunto a árbore-conto do bosque encantado, onde se fixeron unha foto. Logo no Auditorio da Casa da Cultura presenciaron un contacontos do gato con botas, tamén do grupo Tarabelos. Estas son as fotos:

Mes dos libros- A árbore-conto do bosque encantado

2009-04-22T09:23:00.000-07:00

Recibimos moitísimos contos para alimentar a nosa árbore-conto do bosque encantado, pos iso, tanto él como a biblioteca estamos moi contentos cos nenos do Colexio Público Tomás de Lemos e do CRA Amencer, por iso teremos un pequeno detalle sorpresa con eles. Polo de pronto os nenos de Preescolar do colexio de Ribadavia e os nenos do CRA (Colexios rurais agrupados) virán o 23 de abril, Dia do Libro, a unha sesión de contacontos na biblioteca, do grupo Tarabelos, titulado "Un cheiro de contos". Estas son as fotos dos contos expostos, que como vedes tivemos que poñer polas paredes, pois as polas da árbore xa estaban moi cheas. Dende aquí grazas a todos tanto nenos como mestres que participaron.

SEMANA DE ACCIÓN MUNCIAL POLA EDUCACIÓN

2009-04-22T08:49:00.000-07:00

Esta semana celebramos a campaña "A Gran Lectura" que forma parte das actividades co CME (Campaña Mundial pola Educación) está a levar a cabo en todo o mundo. Toda a semana temos na sala infantil da biblioteca un obradoiro de pintura e lectura dos relatos publicados e ademais facemos unha recollida de sinaturas. Estas son as fotos:

Semana de Acción Mundial pola Educación

2009-04-15T10:16:00.001-07:00

A Semana de Acción Mundial pola Educación coincide este ano ca Semana do Libro, do 20 ao 26 de abril. É unha boa ocasión para recordar que millóns de persoas no mundo non poden disfrutar dun libro simplemente porque non saben ler nin escribir.
No mundo, maís de 774 millóns de persoas adultas son analfabetas e 75 millóns de nenas e nenos non teñen acceso á escola.
Pódes consultar os obxectivos desta campaña, a situación actual mundial, descargar actividades, etc.. na súa páxina web, que é: http://www.cme-espana.org/
A Biblioteca de Ribadavia tamén quere colaborar nesta campaña, asi que nesa semana poremos unha pequena exposición co documento de posicionamento do organismo da Campaña Mundial pola Educación, e faremos unha recollida de firmas para adherirse ás demandas realizadas aos gobernos. Tamén intentaremos facer algunha actividade cos nenos para que se conciencien co tema.

Abril, mes dos libros

2009-04-15T09:57:00.000-07:00

Xa sabedes que en abril temos dúas datas importantes, o 2 de abril que é o Dia Internacional do Libro Infantil e Xuvenil e o 23 de abril, que é o Dia Internacional do Libro.
O 2 de abril tivemos un obradoiro de marcapáxinas conmemorativo do Dia do Libro Infantil.
O longo de todo o mes estamos facendo unha actividade paralela na biblioteca, en colaboración co colexio Tomás de Lemos de Ribadavia e o CRA Amencer. Colocamos no hall da biblioteca un árbol-conto do bosque encantado "made in casa" cun comunicado que podedes ler na foto de abaixo e convocamos a tódolos nenos para que colgasen das súas polas os seus contos inventados, previa entrega nos colexios dunha fichas-guías para elaborar o seu conto. O final colocarémolos nas paredes dado o peso dos contos dos nenos, xa que a colaboración é moita, e dende aqui, quérollo agradecer os mestres e os nenos.
O 23 de abril, virán a visitar o árbol exposto cos seus contos e asistirán a un contacontos (dúas sesións) da man do grupo Tarabelos e titulado "Un cheiro de contos" os nenos de Preescolar e os do CRA Amencer. Estas son as fotos da exposición do árbol-conto do bosque encantado. A partir do 23 de abril ensinareivos as fotos cos nenos e o contacontos.

"Un día con Picasso"

2009-03-30T09:25:00.001-07:00

O 27 de marzo, as 17:30 h. na Casa da Cultura de Ribadavia, a biblioteca levou a cabo o obradoiro "Un día con Picasso" do grupo Crearte, dentro do programa Letras Vivas Animación, subvencionado pola Consellería de Cultura.
Mirando a través dos ollos de Picasso, coñeceron a vida rosa do circo, viaxaron de Ribadavia a Barcelona e chegarron a París!. Falaron de cando Picasso comezou a xogar coa xeometría e fixeron o seu autorretrato cubista a partir dunha foto de carnet ampliada a un A4. Unha divertida e participativa actividade na que os rapaces interpretaron as imaxes artísticas, estimulando a creatividade, e establecendo conexións entre as artes visuais, as matemáticas, a lingua e a historia. A actividade empregou os fondos bibliográficos de arte e rematou cun obradoiro plástico.
Estas son as fotos:

Entroido Casa da Cultura

2009-02-26T10:19:00.001-08:00

O venres 20 de febreiro os nenos do Conservatorio de Música e da Escola de Música, xunto o persoal da Casa da Cultura en xeral e todos aqueles que quixeron participar connosco, disfrazámonos de indios e físoxe unha pasarúas pola vila amenizada con música dos alumnos do conservatorio. Despois na Praza Maior fixemos unha pequena merenda e actuaron de novo os músicos. Estas son algunhas das fotos:

Obradoiro de máscaras tradicionais

2009-02-26T09:18:00.000-08:00

Do 16 ao 20 de febreiro tivo lugar na sala infantil da Biblioteca Pública Municipal de Ribadavia, un obradoiro de máscaras tradicionais .Puderon ademais obter información e libros sobre os Entroidos en Galicia maís famosos, centrándonos na provincia de Ourense, dándolles a coñecer os distintos disfraces e máscaras maís coñecidos, os felos, boteiros, pantallas, vergalleiros, peliqueiros, etc...Pintaron as máscaras que lles demos xa dibuxadas. Elaquí unha foto da actividade:

Fotos "Xogos do Mundo"

2009-02-26T08:48:00.000-08:00

O venres 13 de febreiro tivemos unha actividade da biblioteca chamada "Xogos do mundo" ás 17:30 h. para nenos de 6 anos en adiante, na Alamenda de Ribadavia. En principio ía ser para o 6 de febreiro pero por inconvintes do tempo, tivemos que cambiala para o 13 de febreiro, ainda que así acabamos tendo maior sorte, pois fixo tan bo tempo que levamos a actividade para a Alameda.

Os rapaces despois de escoitar información sobre as culturas azteca, inca e maya, que lles deu a monitora Nuria, de Solidaridade Internacional de Galicia, xogaron os distintos xogos destas culturas, Patolli de México, Puluc de América Central e Sapo dos Andes. O finalizar os nenos foron agasallados cos devanditos xogos.

Estas son as fotos:

Obradoiro de máscaras tradicionais

2009-02-19T10:34:00.000-08:00

Do 16 ao 20 de febreiro terá lugar na sala infantil da Biblioteca Pública Municipal de Ribadavia, un obradoiro de máscaras tradicionais para nenos de maís de 4 anos.
Ofrecerase aos rapaces información e libros sobre os Entroidos en Galicia maís famosos, centrándonos na provincia de Ourense, dándolles a coñecer os distintos disfraces e máscaras maís coñecidos, os felos, boteiros, pantallas, vergalleiros, peliqueiros, etc...
Pintaran as máscaras que lles daremos xa dibuxadas poñendolle o nome a cada unha delas.
Estes obradoiros serán a partires das 17:30 h. e ata o peche da biblioteca as 21:00 h.

Xogos do mundo

2009-02-05T11:14:00.001-08:00

O venres 6 de febreiro teremos na biblioteca unha actividade chamada "Xogos do mundo" ás 17:30 h. para nenos de 6 anos en adiante.

Xogos do Mundo pretende fomentar a interculturalidade, para erradicar futuros comportamentos racistas, xenófobos e etnocentristas, e a creación de prexuizos e estereotipos culturais e sociais. Organiza: Solidaridade Internacional de Galicia e Biblioteca Pública Municipal.

Tratase dos xogos Patolli de México, Puluc de América Central e Sapo dos Andes. O finalizar os nenos serán agasallados cos devanditos xogos.

Decoración de Nadal

2008-12-17T03:29:00.000-08:00

Estes días estivemos moi atareadas facendo a decoración de Nadal da Casa da Cultura, o que mais costou ainda que é o que mais nos gosta é o belen que é xa un clásico no hall da Casa da Cultura, e na que os nenos pasan tempo observando as figuras e colocando tarxetas de Nadal. Bea, a bedel da Casa da Cultura, subida a unha escada, decora tamén o auditorio onde o 19 de decembro ten lugar a mañán unha actividade do CRA Amencer (colexios do rural) e pola tarde o concerto do conservatorio municipal de Ribadavia, no que os nenos amosan os seus familiares o aprendido, sobre todo composicións navideñas, e o mais simpático, o villancico dos nenos da escola de música (nenos de 4 a 6 anos). Deíxovos unhas fotos da decoración.

BIBLIOTECA ILUSTRADA

2008-12-17T01:43:00.000-08:00

Como sabedes Kiko da Silva está a ilustrar a nova sala infantil da Biblioteca Pública Municipal de Ribadavia, dentro do programa Biblioteca Ilustrada da Consellería de Cultura. Kiko despois da pasar uns días pola vila de Ribadavia, empapándose da súa historia, decidiu deseñar un debuxo acorde co pasado medieval da vila e adaptado ao uso da sala, e decir, a uso infantil. Ainda non acabou, pero adiántovos unhas fotos do que está facendo.

ACTIVIDADES INFANTIS NADAL

2008-12-11T09:04:00.000-08:00

Este Nadal a concellalía da Cultura ten programadas varias actividades infantís. En todas as vacacións haberá unha ludoteca para nenos de maís de 4 anos en horario de mañán e tarde, no colexio Tomás de Lemós, sito na avda. de Carballiño.
O día 14 de decembro ás 17:00 h. terá lugar a proxección da película infantil "Cid, a lenda" no auditorio da Casa da Cultura.
O día 22 de decembro a actividade será para nenos de 12 a 14 anos, será unha sesión de graffiti cos Megatoxos de Anxo Fariña, ás 17:00 h. na Casa da Cultura de Ribadavia.
O día 26 de decembro ás 18:00 h. terá lugar unha sesión de contacontos infantil da man do grupo Tarabelos, no Auditorio da Casa da Cultura de Ribadavia. Algo máxico enche o Nadal de contos e máis contos... Presentamnos dous contos clásicos de Nadal, baixo o título: "Un Nadal cheo de contos".

Cinema infantil

2008-12-11T08:28:00.000-08:00

O domingo 14 de decembro terá lugar a proxección da película "Cid, a lenda" ás 17:00 h. no auditorio da Casa da Cultura de Ribadavia.
A vida de Rodrigo é a de todo fillo de noble, entre a educación na corte, as aventuras que comparte co seu mellor amigo o príncipe Sancho e as furtivas visitas á súa amada Jimena, a filla do conde de Gormaz. Pero os tempos de felicidade non duran eternamente, e trala morte do rey Fernando, Rodrigo vese envolto nun mundo de tramas e conspiracións que acabarán coa vida de Sancho e coa conseguinte coronación do infante Alfonso. De repente, Rodrigo perde todo aquelo que conseguiu sen esforzo, seu mellor amigo, e o amor da súa amada, sendo inxustamente desterrado de Castela e sen honra.

GRAFFITI E LETRAS

2008-12-05T03:28:00.000-08:00

O 22 de decembro ás 17:00 h. na Casa da Cultura, terá lugar unha actividade de animación lingüística, “Graffiti e letras”, proposta por A Nosa Terra e desenvolvida polo escritor e ilustrador Anxo Fariña. Neste caso, os destinatarios son os rapaces entre 12 e 14 anos. O obxectivo é dinamizar o uso do galego nesta etapa de idade desde unha perspectiva creativa, asociando o uso do galego coa modernidade, a cultura urbana e as expresións artísticas máis actuais.
Segundo explica Anxo Fariña, os obradoiros fanse con grupos de entre 25 e 50 persoas. Duran preto dunha hora e os asistentes reciben nocións básicas sobre os signos, as letras e a súa evolución. a seguir, é o momento de practicar sobre papel, para que despois poidan levar os murais que fagan e seguir traballando neles. E é tal o entusiasmo dos rapaces que Anxo sinala que “podería estar semanas con eles, facer poemas visuais, crear imaxes...”. Esta aposta por un “xeito de expresión máis moderno e urbano en galego” provoca que os cativos vexan a actividade como “algo divertido, que está de moda” e virarlles as costas a outros tópicos.

UN NADAL CHEO DE CONTOS

2008-12-05T03:09:00.000-08:00

O 26 de decembro ás 18:00 h. terá lugar unha sesión de contacontos infantil da man do grupo Tarabelos, no Auditorio da Casa da Cultura de Ribadavia. Algo máxico enche o Nadal de contos e máis contos... Presentamnos dous contos clásicos de Nadal, baixo o título: "Un Nadal cheo de contos". A técnica utilizada é a "narración ilustrada", utilizando títeres, teatro de sombras, máscaras,escenarios e outras técnicas teatrais para ilustrar a narración do contacontos. No espectáculo combínanse dous contos. Os contos que ofrecemos son: "Canción de Nadal" CHARLES DICKENS (Ilustrado con títeres de luva, pompas de xabón e outros) e "O primeiro día do Nadal" A BIBLIA (Ilustrado con disfraces da época e cos propios nenos que fan un Belén vivente)

A meiga dos contos

2008-11-25T10:19:00.000-08:00

O 1 de novembro, como colaboración con Activa-T, os programadores da Noite Meiga en Ribadavia, celebramos a noite meiga infantil. Tivemos na biblioteca un contacontos titulado "a meiga dos contos" da man de Ana María Fernández, ás 18:00 h., que lles contou varios contos, algúns de moito medo. Estas son as fotos, que como vedes, pasárono moi ben.

Encontro de Axóuxeres

2008-11-10T08:48:00.001-08:00

O 7 de novembro ás 18:00 h. tivo lugar unha nova sesión do Encontro de Axoúxeres, programa da Secretaria Xeral de Normalización Lingüística, no Auditorio da Casa da Cultura de Ribadavia. Esta vez os encargados da actividade foron Galitoon e o moneco que idearon para esta actividade, Totó, que fixo as delicias de todos os nenos. Estas son algunhas das fotos, que como vedes, ó entrar poñíanse un pano á cabeza de cores distintas, tamén déronlles unhos axoúxeres os nenos, e moi cómodos, porque podían estar tirados polo chan, cantaron, riron, bailaron, e en fin, pasárono moi ben.

"Contos en cantos"

2008-10-14T03:13:00.000-07:00

Do 6 ao 10 de outubro púdose ver na Casa da Cultura a exposición IMAXINOQO dentro do programa "Contos en cantos". A exposición ademaís de carteis dos contos de OQO Editora, contaba con obxetos dos contos coma a avestruz Mariluz, ou a bañeira de Chocolata, e taburetes nos que poder sentarse a ler os contos. Estas son as imaxes da exposición:

O venres 10 de outubro tiveron lugar dous obradoiros, para nenos de entre 5 e 10 anos. Estas son algunhas das fotos:

O que mais gustou da exposición foi o karaoke no que os nenos podían cantar os contos de OQO Editora, cantados por Almudena Janeiro. Estas son as fotos:

O sábado tivo lugar o concerto "Contos en cantos", coa voz de Almudena Janeiro, cun repertorio variado en galego. A Dirección Xeral de Política Lingúistica agasallou os nenos cun libro-cd-dvd Contos en cantos. Estas son as fotos:

Programa Contos e Cantos

2008-10-01T09:47:00.001-07:00

A Xunta e OQO Editora levaran a cabo en Ribadavia, unha campaña chamada “Contos en cantos” de promoción da lingua galega que combina música e literatura para os nenos. Dita campaña percorrerá municipios de toda Galicia para fomentar o uso da lingua galega entre os mais pequenos a través da combinación de contos, cantos, e obradoiros, en concreto ademais de Ribadavia, estarán en Ourense, Vilalba, Gondomar, Redondela e Cambre.
13 obras da literatura infantil editadas por OQO convertíronse en cancións neste proxecto, que intenta “alimentar o repertorio musical infantil” en lingua galega o tempo que os mais pequenos coñecen estilos musicais doutros paises como Grecia, Brasil ou Arxentina.
O progama comenzará o 6 de outubro cunha exposición na Casa da Cultura, ata o 11 de outubro. O venres, 10 de outubro haberá dous obradoiros, un as 17:30 h. para nenos de 5 a 7 anos, e un as 18:30 h. para nenos de entre 8 e 10 anos. Ambos obradoiros terán unha duración de 50 minutos e tan so admitiran 25 nenos por obradoiro, pola cal teran que anotarse na Biblioteca Pública Municipal de Ribadavia.
Dita campaña rematará o 11 de outubro ás 12 h. cun concerto no Auditorio da Casa da Cultura de Ribadavia coa intención de “alimentar o repertorio musical infantil” en lingua galega.

Contacontos Mario Tomás

2008-10-01T08:45:00.000-07:00

O 5 de setembro ás 20:00 h. no Salón de plenos do Concello de Ribadavia (debido a choiva) houbo unha sesión de contacontos dentro do programa Letras Vivas Animación, a cargo de Mario Tomás, titulada "Contos doutro lugar". Estas son as fotos

Contacontos Irene en Senegal

2008-08-25T03:59:00.001-07:00

O venres 22 de agosto ás 20:30 h. na Praza Maior de Ribadavia, organizouse un contacontos da man de "Solidaridad Internacional de Galicia" titulado "Irene en Senegal". Estas son as fotos da dita actividade, na que como vedes os nenos pasárono moi ben. Tamén fixemos unha pequena exposición de libros emprestados pola "Fundación Germán Sánchez Ruiperez" que complementan o programa de sensibilización entre os rapaces da comarca, para promover actitudes solidarias e valores comprometidos coa igualdade e a xustiza social

ANIMACIÓN Á LECTURA EN VERÁN

2008-07-29T03:54:00.000-07:00

Durante todo o verán parte da biblioteca trasladarase a Piscina Municipal de Ribadavia. Nela montouse unha bibliopiscina, que consta dunha pequena carpa na que os nenos poden facer multitude de actividades entre baño e baño, dende ler contos, debuxar e colorear láminas, xogar con xoguetes, etc...

O 22 de agosto ás 20:30 h. terá lugar unha sesión de contacontos e un obradoiro na Praza Maior de Ribadavia. Trátase do conto "Irene en Senegal", a nova proposta da colección "Contos do Mundo". Unha vez maís, Irene, unha rapaza filla de cooperantes, achegará ós mais pequenos aspectos da cultura e as xentes deste país africán. A través da realización de talleres de contacontos e o fomento da lectura da obra, preténdese promover entre os rapaces e rapazas actitudes solidarias e valores comprometidos coa igualdade e a xustiza social. Esta actividade será levada a cabo pola organización Solidaridade Internacional de Galicia, coa colaboración da Biblioteca Pública Municipal.

O 5 de setembro, previo as festas do Portal, terá lugar outra sesión de contacontos ás 20:30 h. na Praza Maior de Ribadavia. Trátase de "Contos chegados doutro lugar" a cargo de Mario Tomás. Nesta ocasión o gran Marionetto chega e conta unha historia das que ten recollido polos seus viaxes. Trátase do enlace de diferentes contos orientais, de tal xeito que sexa un conto a continuidade do seguinte. Esta actividade está dentro do programa Letras Vivas Animación, que leva a cabo a Xunta de Galicia en colaboración coa Biblioteca Pública Municipal de Ribadavia.

FOTOS CICLOBIBLIOTECAS

2008-06-30T03:16:00.000-07:00

O domingo 29 de xuño chegou ás 12:30 h. á Praza Maior Anxo Moure coa sua ciclobiblioteca. Os nenos da vila disfrutaron das historias que Anxo lles contou, e logo leeron un pouco os libros que lles achegou a ciclobiblioteca. Pero creo que o que mais lles gustou foi o final cando diron unha volta na ciclobiblioteca pola Praza Maior ante a atenta mirada de tódolos que estaban disfrutando das terrazas de verán ese domingo pola mañán. Incluso algún pai animouse a levar a bici chea de nenos, e como non a bibliotecaria, Teresa, ou sexa, eu, atrevinme a levala, ainda que o principio cun pouco de medo porque non tiña frenos. Dende aquí un saúdo a Anxo porque fíxonos pasar un día estupendo e esperamos contar con él outra vez. Estas son as fotos.

CICLOBIBLIOTECA

2008-06-18T09:00:00.000-07:00

O domingo 29 de xuño virá a Ribadavia a Ciclobiblioteca da man do ecoloxista e contacontos Anxo Moure.
Ven e divirtete con contacontos ambulante, xa que a ciclobiblioteca percorrerá as rúas da vila, parando nas distintas prazas e facendo contacontos en cada unha delas. Lee, canta e xoga co animador Anxo Moure. Haberá un pequeno agasallo para os participantes. Partiremos da Praza Maior de Ribadavia para percorrer todo o pobo.

Anxo Moure leva quince anos percorrendo as escolas de Galicia cos seus contos solidarios. O diñeiro que gana dedicao a mercar bicicletas para os mestres, traballadores sociais e médicos do Tercer Mundo. conseguiu máis de 1.200 bicicletas para axudar a colectivos marxinados de 23 países.

FOTOS ACTIVIDADES DÍA DAS LETRAS GALEGAS

2008-05-20T09:11:00.000-07:00

O 16 de maio tivo lugar o obradoiro "Os meus libros" do grupo Xaraiva, ás 19:00 h. dentro do programa Letras Vivas Animación. Estas son as fotos dos participantes, que por certo sairan no periódico "La Región" o mércores 21 de maio no suplemento escolar.

O 17 de maio tivo lugar na Praza Maior de Ribadavia os actos polo Dia das Letras Galegas. Físoxe unha exposición de libros en galego da biblioteca, un obradoiro de marcapáxinas para nenos e a lectura continua da obra de Xosé Mª Álvarez Blázquez no salón de plenos do Concello. As 20:00 h. finalizaronse os actos deste día coa representación teatral de "Un agasallo para Xaquín". Estas son as fotos.

DIA DAS LETRAS GALEGAS

2008-05-17T01:10:00.000-07:00

O día 17 de maio celébrase o Día das Letras Galegas. Por eso a Biblioteca Pública Municipal e a concellalía de Cultura van realizar varias actividades para nenos e maiores.

Xa o 16 de maio dentro do programa Letras Vivas Animación realizou para os nenos un obradoiro "Os meus libros" polo grupo Xaraiva na biblioteca.

O 17 de maio a partir das 11 h. farase unha exposición de libros da biblioteca en galego, na Praza Maior de Ribadavia. Exporase tamén un mural feito artesanalmente para conmemorar este día.

A partir das 12 h. empezará a lectura da obra de Xosé María Álvarez Blázquez, tras agardar un minuto de silencio en memoria do escritor e profesor ribadaviense Xosé Gómez Alfaro, no salón de plenos do Concello de Ribadavia. A mesma hora iniciarase un obradoiro de marcapáxinas para os nenos adicado o Dia das Letras Galegas.

Pola tarde, as 20:30 h. terá lugar a representación de "Un agasallo para Xaquín" do grupo Os Monicreques de Kukas. Espectáculo creado por proposta do Instituto Galego de Consumo que conta a historia de Xaquín, un neno consumista e caprichoso que só se alimentaba de larpeiradas e mercaba sen xeito, ata que o día do seu aniversario vive un pesadelo que o fará reflexionar sobre a súa actitude cambiando os seus hábitos de vida.

Visita Colexio Público Tomás de Lemos 3º e 4º Primaria

2008-04-25T04:01:00.000-07:00

O 28 de abril visitaron a exposición "Biblioteca da Libros Fantásticos" os nenos de 3º e 4º de Primaria do Colexio Tomás de Lemos, do grupo escolar da Avenida do Carballiño. Ademais de ver a exposición, visitaron a biblioteca na que se lle informou dos servicios desta e do modo de facerse socio da biblioteca. Tamén cubriron unha enquisa sobre hábitos de lectura e levaron unha ficha da exposición para realizar na clase.

O venres, 25 de abril, visitaron a exposición "Biblioteca de Libros Fantásticos" os nenos do Colexio de Ribadavia, de 3º e 4º curso de Primaria, do grupo escolar da Alameda. Visitaron tamén a sala infantil da Biblioteca Pública Municipal e cubriron unhas enquisas para axudarnos a nos nun futuro a facer unha programación de fomento da lectura, acorde cos seus gustos e hábitos de lectura.

Visita nenos de 2º de Primaria do Colexio Público Tomás de Lemos

2008-04-23T04:05:00.000-07:00

O 23 de abril , Dia do Libro, recibimos a visita de nenos de 2º de Primaria do Colexio Público Tomás de Lemos de Ribadavia. Visitaron a exposición "Biblioteca de Libros Fantásticos" e a biblioteca , concretamente a sala infantil, donde se fixo un sorteo de libros, cos que se agasallou a tres rapaces, para conmemorar o Día do Libro.

Visita nenos de Preescolar e 1º de Primaria do Colexio Público Tomás de Lemos

2008-04-22T09:16:00.000-07:00

O 21 de abril recibimos a visita de nenos de Preescolar do Colexio Público Tomás de Lemos. Visitaron a exposición Biblioteca de Libros Fantásticos e asistiron a unha sesión de contacontos a cargo do grupo Títeres Cachirulo. Estas son as fotos:

O mesmo día recibimos tamén a visita de nenos de 1º de Primaria do Colexio Público Tomás de Lemos de Ribadavia, que visitaron a exposición de libros e logo asistiron a un obradoiro de creación dun conto a cargo do grupo Cachirulo.

Visita C.R.A. Amencer

2008-04-18T04:37:00.001-07:00

O día 18 de abril tivemos a visita dos nenos do C.R.A. Amencer (San Cristovo, Francelos, Sampaio e Beade) , con motivo do Mes dos Libros. Ademaís de ver a exposición "Biblioteca de Libros Fantásticos" , asistiron a unha sesión de contacontos titulada "Biblioteca de contos fantásticos". Estas son as fotos.

Contacontos Dia do Libro

2008-04-18T04:21:00.000-07:00

O 2 de abril recibimos a visita de nenos de Preescolar de 3 e 4 anos do Colexio Público Tomás de Lemos, para celebrar o Dia do Libro Infantil e Xuvenil. Ademais de visitar a exposición Biblioteca de Libros Fantásticos, asistiron a unha sesión de contacontos do grupo Títeres Cachirulo. Estas son as fotos.

ACTIVIDADES MES DOS LIBROS

2008-03-27T09:26:00.000-07:00

O mes de abril, e o mes dos libros xa que celebramos o 2 de abril o Dia Internacional do Libro Infantil e Xuvenil e o 23 de abril o Dia Internacional do Libro.

Por ese motivo a Biblioteca Pública Municipal de Ribadavia ten varias actividades previstas. En todo o mes poderase visitar a exposición "Biblioteca de Libros Fantásticos".

Esta exposición conta cunha serie de libros tratados plasticamente para que nos evoquen historias de cada un deles. Cada libro acompáñase dun texto que narra o que lle sucedeu. Os libros fantásticos son o resultado dun extenso traballo no mundo da narración oral e da animación á lectura. Están concibidos coa intención de achegar o obxecto-libro ao público baixo unha mirada aberta que estimule a imaxinación, invitando aos visitantes a que inventen aventuras a través destes libros ou que creen os seus propios .

O día 2 de abril recibiremos a visita dos nenos de Prescolar do Colexio Público Tomás de Lemos, e ademais de ver a exposición "Biblioteca de Libros Fantásticos" teremos unha sesión de contacontos a cargo do grupo Títeres Cachirulo.

O día 21 de abril recibiremos un segundo grupo de nenos de Prescolar do mesmo colexio e tamén un grupo de nenos de 1º de Primaria para un obradoiro de creación dun conto a cargo do grupo Títeres Cachirulo.

O día 19 de abril ás 20:30 h. terá lugar a representación teatral "Un avó especial" do grupo Migallas Teatro. É un espectáculo no que se aborda o tema da enfermidade do Alzheimer co obxectivo de axudar a comprender situacións que moitas familias poden vivir no seu contorno. Malia a seriedade do tema que trata ten un enfoque humorístico que persegue fomentar actitudes optimistas para afrontar os problemas da doenza e amosar a importancia que teñen os nenos e nenas para que os maiores vivan momentos felices. Á parte da enfermidade, tamén se trata o tema da relación entre nenos e vellos en xeral así como diferentes modos de educar os rapaces por parte dos membros da familia. Os avós preséntanse como transmisores da sabedoría tradicional e peculiar de cada pobo fronte á uniformidade cultural imposta pola publicidade e os medios de comunicación. Ditos tradicionais, lerias e enredos son un elemento máis da obra.

O 26 de abril ás 20:30 h. terá lugar a representación da obra "Unha de amor" do grupo Artello Teatro. Os animais que moran nunha pequena vila viven atemorizados pola inquedante presenza dun conveciño díscolo, o Gato Gaiado. A él atribúen os crimes máis arrepiantes e a orixe de tódalas desgrazas que alí acontecen.
Coa chegada da Primavera, unha xove e ousada andoriña consegue o nunca visto: ante o abraio de todo o vecindario, o Gato Gaiado sorríu. A partir dese momento, desenvólvese unha relación entre o Gato e a Andoriña que convulsiona a esa comunidade.

FOTOS OBRADOIRO "XOGAR COS SENTIDOS"

2008-03-17T10:05:00.000-07:00

OBRADOIRO VIVIR OS CONTOS

2008-03-10T12:32:00.000-07:00

O venres 14 de marzo ás 18:00 h. terá lugar na Biblioteca Pública Municipal de Ribadavia (sita na Casa da Cultura) un obradoiro enmarcado no programa Letras Vivas Animación, titulado "Xogar cos sentidos", do grupo Anias Animación Sociocultural. En él os rapaces traballaran os sentidos a partir de contos tradicionais e actuais.

Está dirixido a rapaces entre 4 e 8 anos, e tan só poderan apuntarse 25 nenos.

Encontro de Axoúxeres

2008-02-11T09:20:00.000-08:00

O día 10 de febreiro ás 17:00 h. tivo lugar na Casa da Cultura de Ribadavia, o "Encontro de Axoúxeres" organizada pola Biblioteca Pública Municipal, na que a cantante Uxía actuou para nenos da vila de entre 0 e 3 anos xunto cos seus pais. Estas son as fotos de esta tan entrañable actuación.

Actividades Entroido Casa da Cultura

2008-01-29T10:03:00.000-08:00

Fotos do obradoiro de máscaras da Biblioteca Pública Municipal, do obradoiro de traxes da comparsa da Casa da Cultura e de ditos disfraces xa terminados. Como vedes os instrumentos musicais foron feitos tamén por nos.

A Biblioteca Pública Municipal de Ribadavia levará a cabo un obradoiro de máscaras de entroido para o público infantil na semana do 28 de xaneiro ó 1 de febreiro.
Paralelamente na Casa da Cultura estase a facer un obradoiro de disfraces para os nenos e os pais da Escola de Música e o Conservatorio de Música. Ditos disfraces son os que se luciran na comparsa da Casa da Cultura que sairá o venres día 1 de xaneiro pola vila de Ribadavia e finalizará cunha merenda. Este ano o disfraz é de orquesta, pola cal se están elaborando os traxes de "pingüino" e tamén os instrumentos musicais en papel cartón.

SOS ADOLESCENTES

2008-01-29T09:45:00.001-08:00

A Biblioteca Pública Municipal de Ribadavia, leva a cabo unha iniciativa cuio obxetivo é informar e facilitar información os xóvenes sobre os problemas da adolescencia, como son as drogas, o alcoholismo, embarazos de xóvenes, anorexia, sexo, etc... Para elo, levouse a cabo a recopilación de bibliografía relacionada con eses temas e montouse un stand especial para que chamara a atención dos xóvenes que veñen á biblioteca. Non se trata so de manuais senón tamén de novelas xuvenís que tratan os mesmos temas, e que para algúns mozos pode ser mais atraintes.

Premios Concurso Postais de Nadal

2008-01-14T03:40:00.000-08:00

No festival de Panxoliñas deuse a coñecer os gañadores do I Concurso de Postais de Nadal organizado pola Biblioteca Pública Municipal. Houbo neste concurso 33 participantes de toda a comarca do Ribeiro. Tódalas postais foron expostas na Casa da Cultura de Ribadavia.

Os gañadores foron:
SAMANTHA
HUGO VIÑUELA FORMIGO
LAURA GONZÁLEZ CARREIRO
ANA MARTÍNEZ
ALEX VELOSO

A tódolos participantes entregáronselle un pequeno agasallo, mentres que os gañadores entregouselles un lote de libros e un crebacabezas dos Bolechas. Os agasallos foron entregados polo concelleiro de cultura D. Anxo Collarte. Enhoraboa a tódolos gañadores e esperamos que o vindeiro ano participen mais nenos.

Fotos Nadal 2007

2008-01-07T03:38:00.000-08:00

Foto Concerto de Nadal da Escola de Música e Conservatorio Municipal

Fotos Ludoteca Nadal

Actividades semana 1-6 de xaneiro

2008-01-03T11:41:00.000-08:00

Concerto de Nadal pola Banda da Lira de Ribadavia o 3 de xaneiro ás 20:30 h coa presentación do novo director.
Festa infantil de fin de ludoteca o 4 de xaneiro ás 18:00 h. no Pavillón dos Deportes de Ribadavia.
Cabalgata de Reis o día 5 de xaneiro ás 19:00 h., saindo dende o Instituto de Bacharelato e percorrendo as rúas da vila ata a Praza Maior de Ribadavia

ACTIVIDADES NADAL

2007-12-17T01:42:00.000-08:00

A Biblioteca Pública Municipal de Ribadavia, organiza
un concurso infantil de postais de Nadal.
As bases do concurso son:

1.-Poderán participar tódolos nenos e nenas de Educación Primaria

2.-O tema dos debuxos será o Nadal

3.-Os debuxos presentaranse na Biblioteca de Ribadavia, en horario de 9:30 a 13:30 h. da mañan e de 17:30 a 21:00 h da tarde, e deberán ir acompañados dos seguintes datos: nome e apelidos, idade e enderezo. O prazo de entrega das postais é ata o 28 de decembro.

4.-Tódolos participantes terán un agasallo e establecense 5 premios as tarxetas premiadas.

5.-Establecerase un xurado para o fallo do concurso, formado por o concelleiro de cultura, a bibliotecaria e persoal da Casa da Cultura.

6.-Os premios entregaranse no Festival das Panxoliñas que terá lugar o 30 de decembro ás 18:00 h. na Casa da Cultura de Ribadavia.

7.-Tódolas postais serán expostas na Casa da Cultura a partir do 1 de xaneiro.

LUDOTECA DE NADAL

A Concellería de Cultura coa colaboración do persoal da Casa da Cultura, organiza un ano mais a ludoteca de Nadal, na que poden participar tódolos nenos entre 4 e 14 anos. Serán os días 26, 27 e 28 de decembro e o 2, 3 e 4 de xaneiro. O horario será de 10:00 h. a 13:30 h. de mañán, e de 16:30 h. a 20:00 h. de tarde.

O grupo Xaraiva é o encargado xunto co persoal da Casa da Cultura de levar a cabo distintas actividades de lecer para os nenos, que van dende obradoiros según as idades dos nenos, ata Karaoke, cine, etc... O 28 de decembro pola tarde faranse xogos populares na Alameda dende as 16:30 h, e o 4 de xaneiro pola tarde celebrarase unha festa de fin de ludoteca na que terán que participar os pais dos nenos.

Este ano como novidade, a ludoteca levarase tamén os distintos pobos do concello de Ribadavia, concretamente, a San Cristovo o martes 18 de decembro, a Francelos o mércores 19 de decembro e a Sampaio o xoves 20 de decembro. En todos os pobos o horario será de 16:30 h. a 18:30 h.

CONCERTO DE NADAL DO CONSERVATORIO DE MÚSICA
MUNICIPAL DE RIBADAVIA

O xoves 20 de decembro ás 20:00 h. terá lugar o concerto de Nadal
que o conservatorio municipal soe dar nestas datas.
Participarán todos os nenos da Escola de Música e do Conservatorio, e decir nenos dende os 4 anos en adiante.
O repertorio será variado e dacordo coa idade dos nenos, xa que os cativos de música e movemento cantarán panxoliñas vestidos de reis os nenos e de pastoras as nenas, mentras cos maiores amosarannos os seus avances co instrumento musical escollido.

ACTIVIDADES FIN DE SEMANA 29-30 DE DECEMBRO

TEATRO MOFA E BEFA. O sábado 29 de decembro ás 20:30 h. representarán a obra "Sempre ao lonxe" no Auditorio da Casa da Cultura de Ribadavia. Prezo 2 euros

FESTIVAL DE PANXOLIÑAS. O domingo 30 de decembro ás 18:00 h. no Auditorio da Casa da Cultura.

Concerto de Nadal por Camerata Ad Libitum. O domingo 30 de decembro ás 20:00 h. na Igrexa de San Francisco. Organizado pola Asociación de Amigos do Museo Etnolóxico.

Actividade fin de semana 14-16 de decembro

2007-12-11T10:14:00.000-08:00

O día 14 de decembro ás 19:30 h. na Casa da Cultura de Ribadavia, terá lugar a proxección da película "Pataghorobi" dentro do programa Cinema Dixital.

“Pataghorobí” é un proxecto de telefilme seleccionado por TVG debido ao seu interese cultural. O guión e argumento deste telefilme parten do relato homónimo de Xosé Cid Cabido, integrado no seu libro “Oralmente pola boca” (Edicións Xerais de Galicia, 1997). Este autor de recoñecido prestixio nas letras galegas xa obtivo, entre outros recoñecementos, o Premio Café de Catro a Catro de novela curta 1987, o Premio Cidade de Lugo 1991, o Premio Álvaro Cunqueiro de textos teatrais 1992 e o Premio Blanco Amor en 1994.
Con esta produción queremos inaugurar unha serie de telefilmes baseadas en textos literarios de autores galegos contemporáneos.

Argumento

Xabier é un escritor vigués que un día recibe unha estraña carta. Nela pídeselle que a faga circular a fin de mellorar a súa sorte, máis tamén se lle advirte que, de non facelo antes das 96 horas seguintes á súa recepción, a mala sorte apoderarase del. É unha carta encadeada promovida por un misioneiro de nome estrambótico, Sual Arttic Croop. Xabier non dá máis importancia que a de arquivar unha copia como posible inspiración para un futuro relato. Logo desfaise da orixinal.Ese mesmo venres Xabier sae de copas, e se atopa cun curioso personaxe da súa infancia: o Jobino, fillo dunha muller do barrio que perdera a razón cando o seu home desapareceu, é á que chamaban “A Pataghorobí”. Levaba vinte anos en Venezuela, e volveu para o enterro do seu tío Endalecio.Xavier e mailo Jobino adéntranse xuntos na noite viguesa. Para sorpresa do escritor, o Jobino manéxase con soltura e naturalidade na movida nocturna, ata o punto de facerlle sombra e “levantarlle” o seu ligue: unha moza á que coñeceremos como “A Moderna”.Cando Xabier se dispón a marchar para deixarlle pista libre ó Jobino coa rapaza, este pídelle un derradeiro favor: precisa que lle permita durmir na súa casa coa Moderna.A regañadentes, Xabier consinte. O día seguinte Xabier descobre unha terrible escena na súa cas: a moza xace.Xabier é o único sospeitoso, e como tal é encadeado.Pasou un mes. Agora a moza, “A Moderna”, áchase nun coma profundo. Ó Jobino non o volveu ver mais e, segundo a policía, non é fillo da Pataghorobí. Baixo o corpo ensanguentado da muller foi atopada unha nota: “Agora xa é tarde. S.A.C.”
Agora Xabier lembra a carta.

O domingo 16 de decembro, ás 17:00 h, na Casa da Cultura de Ribadavia, proxectarase unha película dentro do programa cultural Cine Infantil. A película será "O bosque animado".

Sinopsis

Mentres o ocioso señor D'Abondo e o seu criado Rosendo atravesan a misteriosa e frondosa fraga de Cecebre, o criado sospeita que as árbores teñen vida e non dubida en exclamar "¡Parece que este bosque tivese vida!". Así é en realidade, xa que en canto afástanse, a natureza transfórmase e móstrase en todo o seu esplendor con árbores e animais que viven en alegre e animada harmonía. Con todo a man do home, que todo altérao, traerá ao bosque a desorde e a infelicidade. A colonia de topos empeza a desaparecer, os arboles xa non cantarán as súas cancións que imitan o vento, os gatos rebelásense contra o home e as moscas dedicaranse a incordiar mais do habitual. Na zona máis elevada desta fraga viven nun pazo majestuoso o Señor e a Señora D'Abondo, un matrimonio rico e avaro que moitas veces movidos polos seus propios intereses pon en perigo a vida dos moradores do bosque. A paz do bosque vese rota coa chegada dun novo e estraño inquilino, o Poste, alto e engreído que presume da súa utilidade para os homes. Ao mesmo tempo Furacroyos, ou Furi para os amigos, un simpático, tímido e enamoradizo topo, que ten instalada o seu tobo preto das árbores, pensa no mellor xeito e lugar para declararlle o seu amor a Linda, unha preciosa e decidida topita.

Progamación semana 3-9 decembro

2007-12-03T01:29:00.000-08:00

Dentro do programa Cinema Dixital terá lugar a proxeción da película "Condenado a vivir" de Roberto Bodegas, na Casa da Cultura, o día 6 de decembro ás 18:30 h.

Trata da historia de amor de Ramón Sampedro con Ramona Maneiro. Documentada coa colaboración de familiares, amigos , incluso a propia Ramona Maneiro, pretende reflecti-lo ultimo lazo que ataba a Ramón coa vida. O argumento narra como en 1998 a prensa española e extranxeira centra a súa atención nun home que dende o 23 de agosto de 1968 permañece na súa cama tetrapléxico e ó coidado da súa familia. Xa uns anos atrás este mariñeiro en terra reclamara o seu dereito a morrer dignamente, recurrindo nesta ocasión ós tribunais de xusticia. A súa extraordinaria personalidade e a firmeza das súas conviccións marcará a existencia de todos aqueles que son testemuñas da súa loita.

Dentro deste mesmo programa de Cinema Dixital, terá lugar a proxección da película "Entre Bateas" de Jorge Coira, no Centro Social da Fontiña Mariña en Francelos, o 8 de decembro ás 17:00 h.

O filme narra o conflicto que se dá na ría de Arousa entre os antigos contrabandistas de tabaco e os novos narcotraficantes a través da historia de Mario, un experto conductor de planeadoras e de Sergio, un antigo amigo seu que opta por pasarse ao tráfico de drogas. A trama complétase coa relación de Mario e a súa muller —que o abandona farta do seu oficio de contrabandista de tabaco— e os conflictos entre as redes de narcotraficantes.

O día 9 de decembro ás 17:00 h. terá lugar na Casa da Cultura de Ribadavia, a representación da obra "A disparatada historia do gran anfitrión" do grupo teatral xuvenil Grupo Laxas de Seixo.