O vindeiro 18 de decembro ás 17:30 h.terá lugar na Biblioteca Pública Municipal de Ribadavia un obradoiro titulado "Un día con Leonardo da Vinci" impartido por o grupo Crearte, para nenos de maís de 7 anos. Trátase dunha viaxe ao Renacemento na que descubriremos o útiles que son as matemáticas para facer arte. Afondaremos nas facetas de inventor, científico e artista de Leonardo para rematar descubrindo o misterio do retrato máis famoso do mundo, o da Mona Lisa. Unha divertida e participativa actividade na que os rapaces interpretan as imaxes artísticas, estimulan a creatividade, e establecen conexións entre as artes visuais, as matemáticas, a lingua e a historia. A actividade emprega os fondos bibliográficos de arte e remata cun obradoiro plástico.
No hay comentarios:
Publicar un comentario