viernes, 28 de diciembre de 2012

"Cantámosche os Reis"

O 27 de decembro as 17:00 h. tivemos un espectáculo titulado "Cantámosche os Reis" subvencionado pola Secretaría Xeral de Normalización Lingüística. Olga Kirk e Pablo Díaz ensináronnos as cancións que se cantaban na noite de Reis polas casas de tódolos pobos galegos. Estas son as fotos da actividade:

Espectáculo Magos do Ribeiro

O martes 25 de decembro tivo lugar un espectáculo dos Magos do Ribeiro as 20:00 h. Ao finalizar realizouse un sorteo de agasallos entre os asistentes. Estas son as fotos:

Concurso de Postais de Nadal

Durante todas as vacacións de Nadal estarán expostas as postais que se presentaron ao concurso de Postais de Nadal convocado pola Biblioteca Pública Municipal de Ribadavia. Presentaronse moitas postais de nenos de Primaria, pero por desgraza ningunha de Educación Secundaria. Ao quedar deserta esta categoría, o premio pasou a Primaria. O xurado do concurso estivo formado polo concellal de Cultura Xosé Prieto, o director do Conservatorio de música Amadeo Neira e o persoal de cultura, que quixeron premiar aquelas nas que era evidente cos nenos fixeran eles so as postais sen axuda dos maiores e debuxadas á man, sen axuda de fotocopias de debuxos e logo coloreadas. Unha mención especial é para o CRA Amencer que coma sempre participan amplamente nas actividades que lles propoñemos. Os premios consisten en un lote de libros, un xogo educativo, marcapáxinas e golosinas. Estas son as fotos das postais.

Concurso de Panxoliñas

O sábado 22 de decembro tivo lugar o Concurso de Panxoliñas que convoca todos os anos a Concellalía de Cultura do Concello de Ribadavia, e que tivo lugar no Auditorio da Casa da Cultura. Ao finalizar o devandito concurso a biblioteca fai entrega dos premios do concurso de Postais de Nadal da biblioteca. Estas son as fotos do concurso e da entrega de premios:

jueves, 20 de diciembre de 2012

Visita escolar

Hoxe, os nenos de 3 anos de Primera Infancia do CRA Amencer fixeron unha visita á Biblioteca Pública Municipal de Ribadavia.Fixémoslle entrega dos carnets da biblioteca para poder levar libros e fixeron un debuxo relacionado co Nadal. Estas son as fotos.

jueves, 13 de diciembre de 2012

Obradoiro de cantos de Nadal

Os músicos Pablo Díaz e Olga Kirk impartirán un obradoiro de cantos de Nadal na Casa da Cultura de Ribadavia 27 de decembro de 2012 as 17:00 h. Os obradoiros, dirixidos a asociacións culturais e veciñais e mais a público...en xeral, perseguen a difusión de cancións en galego propias destas festas para que as celebremos na nosa lingua e mais a recuperación da tradición de interpretar nadais, aninovos e reis polas casas de cada aldea e vila do país. Mais adiante ampliaremos a información

Decoración navideña na biblioteca

A biblioteca tamén se adecenta para o Nadal, e sobre todo a sala infantil, que é o que mais apetece e os que mais lle gusta

Concurso de postais de Nadal

BASES: 1- Poden presentarse todos os nenos de Preescolar, Primaria e Secundaria. 2-O prazo de presentación remata o 21 de decembro. 3-Haberá 3 categorías: Preescolar, Primaria e Secundaria. 4-O formato da postal será Din A-4, partido pola metade, e por detrás terán que por o nome, apelidos, dirección e teléfono. 5-Incluirá as felicitacións do Nadal en galego. 6-O xurado estará formado polo concellal de cultura e persoal da mesma concellalía. 7-As postais serán expostas a partir do 22 de decembro na Casa da Cultura, especificando xa os premidados. 8-O premio consistirá nun lote de libros e un pequeno agasallo, que se entregará no concurso de Panxoliñas, o 22 de decembro. Organizan: Concellalía de Cultura e Biblioteca Pública Municipal

lunes, 26 de noviembre de 2012

Nomeamento de Fillo adoptivo do Concello de Ribadavia a Xesús Alonso Montero

O sábado 24 de novembro as 12:00 h. tivo lugar o emotivo acto de nomeamento como fillo adoptivo do Concello de Ribadavia a Xesús Alonso Montero. Foron moitos os momentos emotivos, dende as actuacións da Banda de gaitas de Ribadavia, a Banda de gaitas da Deputación, a Banda A Lira de Ribadavia e como non a actuación de Carlos Núñez, que fixo un alarde da súa xenialidade coa súa actuación. Tamén grandes discurso de políticos, literatos, catedráticos, ex-alumnos, e sobre todo numerosos amigos que na distancia e nun precioso video, achegáronnos anécdotas deste bonhome. Como parte da organización perdinme o poder facer fotos de todas as actuacións, sobre todo da Banda de gaitas de Ribadavia, pois estaba traballando para despexarlles o escenario para poder subir a actuar en el, asi que fáltanme as fotos deles. Estas que vos amoso foron algunhas que puden facer:

viernes, 2 de noviembre de 2012

Exposición O Samaín

A biblioteca pública municipal tamén quere celebrar o samaín, por eso fixemos esta pequena exposición sobre o Samaín con propostas de lectura de medo para os mais cativos.

jueves, 25 de octubre de 2012

Onte, Dia Internacional das Bibliotecas, foi un día atareado, pese aos recortes. Pola nosa parte celebrámolo cun obradoiro para nenos de marcapáxinas monstruosos e con agasallo de libros a todos os usuarios que se achegaron á biblioteca a emprestar un libro. Por suposto os nenos do obradoiro tamén levaron un libro de regalo. Esta é unha foto do marcapáxinas que fixeron e o libro de agasallo que levaron.

Novidades

Novidades na sala infantil e xuvenil para axuda ao estudo de diversos temas dende o punto de vista pedagóxico, arte, historia, persoaxes ilustres, etc...

Novas adquisicións

Novas adquisicións na sección de cómic da biblioteca e recursos para o estudo de inglés a disposición dos usuarios infantis

Lendo Espero

Esta semana levouse a cabo a reposición de libros da estantería que a Biblioteca Pública Municipal de Ribadavia colocou na sala de espera de Pediatría do Centro de Saúde de Ribadavia. Como sabedes forma parte do programa Lendo Espero, proxecto que ten como obxetivo promover a lectura entre os máis cativos e á vez facer máis levadeira a espera no médico. Pero por desgracia fai falla repoñer os libros cada 6 meses porque desaparecen.... a pesar dos carteliños...

viernes, 15 de junio de 2012

50 Aniversario do Dia das Letras Galegas

A Biblioteca Pública Municipal fixo unha exposición titulada "50 anos do Dia das Letras Galegas". Nela faise un percorrido por cada unha das figuras homenaxeadas ao longo destes cincuenta anos de Día das Letras a través dunha serie de 50 carteis realizados por cadanseu deseñador. En cada cartel aparece tamén un breve texto autoría dun escritor galego actual, quer da xeración máis veterana, como Manuel Álvarez Torneiro e María do Carme Kruckenberg, quer da máis nova, como María Reimóndez ou Daniel Costas. O caderno inclúe o manifesto titulado "As letras que nos fixeron", no que se pode ler: "As palabras e as imaxes son os lugares da cultura, esa é a masa que nos une". No proxecto participaron once entidades e asociacións reunidas arredor da causa comunal da defensa e dignificación da nosa lingua e cultura propias que nomeamos a continuación: Real Academia Galega, Asociación Galega de Deseñadores, Asociación de Escritoras/es en Lingua Galega, Asociación de Empresarios de Artes Gráficas de Galicia, Torras Papel/Norte Papel, Asociación Galega de Editores, Federación de Libreiros de Galicia, Asociación Profesional de Bibliotecarios Municipais de Galicia (da cal forma parte a bibliotecaria de Ribadava como vogal), ANABAD – Galicia, Faro de Vigo e a Xunta de Galicia. Quixemos completar esata cartelería exposición cun libro de cada homenaxeado, de entre os que dispoñíamos na biblioteca, especificando o ano do seu homenaxe. Estas son as fotos do noso homenaxe: